२६ साउन, दमौली
तनहूँ प्रहरीले लागु औषध मुद्धामा फरार रहेका व्यक्तिहरुलाई दुई वर्ष पछि पक्राउ गरेको छ । विभिन्न अपराध एवं मुद्दाहरुमा संलग्न रही फरार रहेका तथा अदालतबाट फैसला भई दण्ड, जरिवाना, दसौदी, कोर्ट फि र सरकारी बिगो समेत तिर्न बाँकी भएका व्यक्तीहरुको खोजी गर्ने कार्य तिब्रता दिएको तनहूँ प्रहरीले सोमबार सालागु औषध मुद्दामा फरार रहेका दुई जनालाई पक्राउ गरेको हो ।
पक्राउ पर्नेमा व्यास नपा ५ चापाघाटका ३० वर्षीय रामबहादुर थापा र सोही ठाउँका २३ वर्र्षीय गोविन्द थापा रहेको जिल्ला प्रहरी कार्यालय तनहँुका डिएसपी एवं सुचना अधिकारी युवराज तिमिल्सेनाले बताए । उनीहरु उपर तनहुँ जिल्ला अदालतको मिति २०७३ मंसिर ५ गतेको फैसला वमोजिम तोकिएको कैद मध्ये दुबैजना ५ महिना २७ दिन कैद भुक्तान गर्न बाँकी रहेको प्रहरीले जनाएको छ ।
उनीहरुको खोजतालस गर्ने क्रममा आईतबार राती आ आफ्नै घरमा लुकिछिपी बस्दै गरेको अवस्थामा पक्राउ गरिएको प्रहरीले जनाएको छ । उनीहरुलाई जिल्ला अदालतमा पेश गरि सजाय भुक्तानकोलागि कारागार चलान गरिएको छ ।
