३ भदौ, देवघाट
तनहूँको देवघाट गाउँपालिकामा एक कोरोना सङ्क्रमित थपिएका छन् । क्षयरोग उपचार केन्द्र पोखरामा गरिएको परीक्षण अनुसार देवघाट गाउँपालिका–५ का २७ वर्षीय पुरुषमा कोरोना पुष्टि भएको हो ।
४३ जनाको स्वाब संकलन गरि परिक्षणकोलागि पठाईएकोमा एक जनाको रिर्पाेट पोजेटिभ आएको गाउँपालिकाका स्वास्थ्य शाखा प्रमुख प्रदीपकुमार बुढाथोकीले बताए ।
यस अघि देवघाट गाउँपालिका–५ का दुई जना समुदायका व्यक्तिमा कोरोना पुष्टि भएपछि गाउँपालिकाले कन्ट्याक्ट ट्रेसिङका आधारमा केही दिन पहिला ३८ जनाको स्वाब भरतपुरमा परीक्षण गरेको थियो । ती सबैको रिपोर्ट नेगेटिभ आइसकेको छ ।
