८ भदौ, दमौली
बलात्कार र गर्भपतन मुद्धाका अभियुक्त ऋषिङ गाउँपालिका–३ भिरकोट खाल्डीवासका ५९ वर्षीय बलबहादुर विकलाई प्रहरीले घटना भएको पाँच वर्ष पछि ०७७ भदौ ७ गते साँझ पक्राउ गरेको छ ।
विभिन्न अपराध एवं मुद्दामा जिल्ला अदालतबाट फैसला भई दण्ड, जरिवाना र सरकारी बिगो समेत असुल गर्न बाँकी भएका व्यक्तीहरुको खोजी गर्ने क्रममा प्रहरीले विकलाई उनकै घरबाट पक्राउ गरेको जिल्ला प्रहरी कार्यालयका डिएसपी युवराज तिमिल्सेनाले जानकारी दिए ।
विक विरुद्ध तनहँु जिल्ला अदालतले गर्भपतन मुद्धामा २०७२ माघ १० गते १० महिना १२ दिन कैद र बलात्कार मुद्धामा २०७३ फागुन २२ गते ५ बर्ष २ महिना २४ दिन कैद र ५० हजार जरिवानाको फैसला गरेको थियो ।
घटना पछि फरार रहेका विक कैद भुक्तान र जरिवाना समेत नतिरीकन हालसम्म नै फरार रहेका थिए । उनको खोजी गर्ने क्रममा घरमा नै लुकिबसेको अवस्थामा पक्राउ गरि सोमबार जिल्ला अदालत समक्ष पेश गरि सजाय भुक्तानकोलागि कारागारमा पठाईएको डिएसपी तिमिल्सेनाले बताए ।
