२८ भदौ, देवघाट
देवघाट गाउँपालिकाका नयाँ प्रमुख प्रशासकीय अधिकृत नरहरी सापकोटालाई देवघाट युवा तथा खेलकुद समितिले स्वागत गरेको छ । समितिले आईतबार देवघाट गाउँपालिकाको कार्यालयमा नयाँ प्रमुख प्रशासकीय अधिकृत सापकोटालाई स्वागत गरेको हो ।
सो कार्यक्रममा देवघाट युवा तथा खेलकुद समितिका अध्यक्ष शुकु गुरुङ, समितिका सचिव शान श्रेष्ठ लगायतले प्रमुख प्रशासकीय अधिकृत सापकोटालाई खादा लगाई स्वागत गरेका थिए । सो कार्यक्रममा देवघाट गाउँपालिकाका लेखा अधिकृत उमानाथ ढकाल, देवघाट उद्योग वाणिज्य संघका अध्यक्ष रोशन श्रेष्ठ, समितिका सचिव अमृत सुवेदी, कोषाध्यक्ष आशिक राना, सदस्य प्रशन्न ढकाल लगायतको उपस्थित रहेकोे थियो ।
सो अवसरमा प्रमुख प्रशासकीय अधिकृत सापकोटाले सबैको सहयोगले देवघाटलाई समृद्ध बनाउन सकिने बताए ।
