३० भदौ, देवघाट
जनयुद्धका शहीद मेघनाथ लामिछानेको १६ औं स्मृति दिवस मंगलबार देवघाटमा सम्पन्न भयो । नेपाल कम्युनिष्ट पार्टी (नकेपा) देवघाट गाउँ पालिका कमिटिको आयोजनामा भएको सो कार्यक्रममा बोल्ने वक्ताहरुले कम्युनिष्ट पार्टीको नेतृत्वको वर्तमान सरकारले शहीदको सपना पुरा गर्दै सुखी नेपाली समृद्ध नेपाल बनाउने बताए ।
नेकपा देवघाटका अध्यक्ष भुवनसिंह गुरुङको अध्यक्षतामा आयोजित सो कार्यक्रममा नेकपा जिल्ला सचिवालय सदस्य एवं देवघाट गाउँपालिकाका अध्यक्ष दुर्गबहादुर थापा, नेकपा जिल्ला सदस्य बाबुराम अधिकारी, देवघाट क्षेत्र विकास समितिका अध्यक्ष शिवराज पौडेल, नेकपा गाउँ कमिटिका सचिव केशवचन्द्र न्यौपाने लगायतले मन्तव्य राखेका थिए ।
लामिछानेको २०६१ भदौ ३० गते चितवनको खोलेसिमलमा सुरक्षाकर्मीको कारवाहीमा मृत्यु भएको थियो ।
