१३ माघ, देवघाट
सहिद सप्ताहको अवसरमा देवघाट गाउँपालिकाको आयोजनामा तथा देवघाट गाउँपालिका स्तरीय युवा तथा खेलकुँद समितिको समन्वयमा मंगलबारबाट सामुदायीक वन स्तरीय फुटवल प्रतियोगिता सुरु भएको छ ।
आयोजक सहित ११ टिमको सहभागिता रहेको सो प्रतियोगिताको उद्घाटन खेल कोटथाम सामुदायीक वन उपभोक्ता समुह र मधु सामुदायीक वन उपभोक्ता समुह विच भएको थियो । सो खेलमा कोटथाम सामुदायीक वन उपभोक्ता समुह विजयी भएको थियो ।
देवघाट युवा तथा खेलकुँद विकास समितिका अध्यक्ष शुकबहादुर गुरुङको अध्यक्षतामा आयोजित खेल उद्घाटन कार्यक्रममा गाउँपालिकाका प्रवक्ता एवं वडा नम्बर ५ का अध्यक्ष यालबहादुर गुरुङ, नेपाल कम्युनिष्ट पार्टी (नेकपा) गाउँ कमिटिका अध्यक्ष भुवनसिंह गुरुङ, नेपाली काँग्रेसका सचिव कृष्ण न्यौपाने, देवघाट क्षेत्र विकास समितिका निवर्तमान अध्यक्ष शिवराज पौडेल, सहिद परिवारका तर्फबाट रामबहादुर भट्ट, किरण सुवेदी, सामुदायीक वन उपभोक्ता महासंघ गन्डकी प्रदेशका सदस्य केशवचन्द्र न्यौपाने, देवघाट गाउँपालिकाका निमित्त प्रमुख प्रशासकीय अधिकृत उमानाथ ढकाल लगायतले मन्तव्य राखेका थिए । उक्त प्रतियोगिता माघ १५ गते सम्म आयोजना हुने छ ।
सहिद सप्ताहको कार्यक्रम अन्तर्गत पाँचौ दिन बुधबार स्वास्थ्य शाखाको आयोजनामा निशुल्क सुगर जाँच तथा संस्कृत विद्यालय र आश्रमको तर्फबाट सांस्कृतिक कार्यक्रम र धार्मिक प्रवचन गरिने कार्यक्रम रहेको छ ।
