३ चैत, बन्दिपुर
बन्दिपुर गाउँपालिकाले कृषक तथा कृषक समुहलाई विभिन्न सामाग्री वितरण गरेको छ । मंगलबार गाउँपालिका परिसरमा आयोजित कार्यक्रममा गाउँपालिका अध्यक्ष पुर्णसिंह थापा, उपाध्यक्ष करुणा गुरुङ र प्रमुख प्रशासकीय अधिकृत महेश सुवेदीले कृषकहरुलाई अनुदानमा ति सामाग्रीहरु उपलब्ध गराएका थिए ।
गाउँपालिकाका प्रमुख प्रशासकीय अधिकृत सुवेदीका अनुसार ९५ थान प्लाष्टिक टनेला तथा ४७ घरधुरी कृषक तथा समुहलाई बिज बृद्धीकोलागि मुल बिउ र उन्नत जातको बिउ वितरण गरिएको थियो । ति मध्ये प्लाष्टि टनेलाकोलागि गाउँपालिकाको ६० प्रतिशत अनुदान दिएको थियो भने कृषकको ४० प्रतिशत लागत परेको छ । त्यस्तै उन्नत जातको बिउकोलागि गाउँपालिकाको ५० प्रतिशत अनुदान र कृषकको ५० प्रतिशत लागत परेको छ ।
अनुदानकोलागि यस अघि नै निबेदन दिएका कृषक मध्येबाट छनौट गरि ति कृषि सामाग्री र बिउ वितरण गरिएको प्रमुख प्रशासकीय अधिकृत सुवेदीले जानकारी दिए ।