देवघाट अनलाइन
दमौली, चैत २७
टिम नेपो तनहुँको सक्रियतामा दमौली अस्पताल परिसरमा सरसफाई कार्यक्रम सम्पन्न भएको छ । कार्यक्रममा दमौली अस्पतालका प्रशासन प्रमुख डा.दिवस ढकालले दमौली अस्पताल परिसरमा फोहोर व्यवस्थापनका लागि आवश्यक सहयोग रहेको र टिम नेपोले उक्त सहयोग पुर्ति गरिदिएको बताए ।
कार्यक्रममा व्यास नपा–३ का वडा अध्यक्ष अनुप रानाले टिम नेपो तनहुँले गरेको कार्यक्रम सराहनिय रहेको र सरसफाइ मात्र नभइ साँचिकै बृहत सरसफाइ रहेको र भोलिका दिनमा टिम नेपो तनहुँलाइ आवश्यक सहयोग गर्ने प्रतिबद्धता जनाए ।
कार्यक्रमका सभापति रबि अधिकारीले टिम नेपो तनहुँ स्वस्थ्य, शिक्षा, युवा नेतृत्व र बाताबरणको क्षेत्रमा रहेर बिभिन्न कार्यक्रम गदै आएको र टिम नेपो तनहुँले मानुकोटमा नेपालको झण्डा, विद्यालयमा शैक्षिक सामाग्री, बृक्षारोपण, नेतृत्व विकास तालिम, आखा तथा स्वास्थ्य शिविर, सरसफाइका लगाएका कार्यक्रमहरु गदै आएको जानकारी गराएका थिए ।
कार्यक्रममा सामुदायिक साझेदारी प्रहरी, दमौली अस्पतालका स्वास्थ्यकर्मी र स्थानियबासी गरी ५८ जना उपस्थिति रहेको थियो ।
