देवघाट अनलाइन
दमौली, चैत २८
निर्वाचन परिचालन अन्तर्गत तनहुँका विभिन्न पालिकामा नेकपा एमालेको बैठक तथा भेलाहरु आयोजना गरिएका छन् । बैशाख १० हुने उपनिर्वाचनलाई लक्षित गरि एमालेको कार्यकर्ता भेला, विस्तारित बैठक तथा अन्तरक्रिया कार्यक्रम आयोजना गरिएका हुन् ।
ति भेलाहरुमा एमालेका केन्द्रीय नेताहरुको सहभागिता रहेको छ ।
बैठकमा केन्द्रिय स्तरका नेताहरुले यो उपनिर्वाचन मुलुक र एमालेको भविष्यकोलागि निकै महत्वपुर्ण भएको हुँदा सबै कार्यकर्ताहरु सक्रियताका साथ लाग्नु पर्ने बताएका थिए । यो उपनिर्वाचन राष्ट्रवादी शक्ति र राष्ट्रघातीहरुको विचमा हुन गईरहेको हुँदा राष्ट्रवादी शक्तिको बिजय शुनिश्चित गर्न जनतालाई जागुरुक गराउनु पर्ने बताए ।
बुधबार आवुँखैरेनीमा आयोजित कार्यक्रममा एमाले केन्द्रिय सचिव एवं गन्डकी प्रदेश इन्चार्ज पदमा अर्याल, केन्द्रीय सदस्य रामशरण बस्नेत र भगवती न्यौपाने, प्रदेश कमिटिका सदस्यहरु उपेन्द्र देवकोटा, ऋषि केसी, व्यास नगरपालिकाका विभिन्न वडामा आयोजित बैठकमा स्थायी कमिटिका सदस्य किरण गुरुङ, प्रदेश सचिवालय सदस्य विष्णुभक्त सिग्देल, बन्दिपुरमा आयोजित बैठकमा पोलिट्व्युरो सदस्य टुकराज सिग्देल, प्रदेश कमिटिका सदस्य इन्द्रबहादुर कुँवर सहभागी छन् ।
यस्तै भानु नगरपालिकामा आयोजित बैठक तथा भेलामा केन्द्रीय सदस्य मायानाथ अधिकारी, केन्द्रीय सल्लाहाकार एकबहादुर राना, प्रदेश कमिटि सचिवालय सदस्य रामबहादुर गुरुङ तथा देवघाट गाउँपालिकामा आयोजित कार्यक्रममा उपनिर्वाचनका उम्मेदबार सर्वेन्द्र खनाल, प्रदेश कमिटिका सचिवालय सदस्य केदार सिग्देल, कृष्णराज ढकाल लगायतका नेताहरुको सहभागिता रहेको छ ।
एमालेका केन्द्रीय स्तरका नेताहरुले प्रत्येक पालिकाको कमान्ड सम्हाल्ने गरि काम गरिरहेको एमालेले जनाएको छ । ति नेताहरुले पार्टीको मत संरक्षणको लागि असन्तुष्ट मतदातालाई भेटघाट गर्ने देखी विभिन्न योजना निर्माणमा सक्रिय भएको एमालेले जनाएको छ ।
