देवघाट अनलाईन
दमाली, चैत २८
बैशाख १० गते हुने उपनिर्वाचनमा नेपाली काँग्रेसका उम्मेदबार गोविन्द भट्टराईलाई बिजयी गराउन नेपाली काँग्रेसका केन्द्रिय नेताहरु तनहुँ आएका छन् ।
भट्टराईको पक्षमा माहौल सिर्जना गर्न बुधबार नेपाली काँग्रेसका महामन्त्री विश्वप्रकाश शर्मा, पुर्व उपसभापती तथा केन्द्रिय सदस्य प्रकाशमान सिंह, केन्द्रीय सदस्य प्रदिप पौडेल र केन्द्रिय सदस्य शंकर भण्डारी तनहुँमा रहेका छन् ।
महामन्त्री शर्मा बुधबार साँझ काठमाडौं फर्किए भने अन्य नेताहरु भने तनहुँमै रहेका छन् । केन्द्रीय नेताहरुले गाउँ गाउँमा हुने चुनावी सभामा सम्बोधन गर्ने छन् । पछिल्ला दिनमा काँग्रेस कार्यकर्ता राष्ट्रिय स्वतन्त्र पार्टीमा धमाधम खुल्न थालेपछि समस्यामा परेको काँग्रेसले आफ्ना कार्यकर्ता जोगाउन केन्द्रीय स्तरका नेताहरु नै खटाएको छ ।
काँग्रेसले पछिल्लो दिनमा एमालेलाई भन्दा राष्ट्रिय स्वतन्त्र पार्टीका उम्मेदबार स्वर्णिम वाग्लेलाई चुनौती ठानेको छ । भट्टराईको पक्षमा माहौल सिर्जना सत्तागठबन्धनका दलका नेताहरुको बैठक बुधबार साँझ नेपाली काँग्रेसको कार्यालयमा बसेको छ ।
