देवघाट अनलाइन
दमौली, चैत ३०
राष्ट्रिय स्वतन्त्र पार्टीका सभापती रवि लामिछानेले गलत काम गरे स्वर्णिम वाग्लेलाई पनि सांसद पटबाट हटाईने बताएका छन् । विहिबार आवुँखैरेनीमा पार्टीको चुनावी सभालाई सम्बोधन गर्दै लामिछानेले गलत काम गर्ने गर्ने जो कसैलाई पनि पार्टी नछाड्ने बताए ।
गलत काम गरेको कारण सांसद ढाकाराम श्रेष्ठलाई पार्टीको साधारण सदस्य र सांसदबाट कारवाही गरेको भन्दै लामिछानेले अव यस्तै गलत काम गरेमा स्वर्णिम वाग्ले होस् या अन्य जो कसैलाई पनि कारवाही गरिने बताए । रास्वपाले जस्तै दोषीहरुलाई अन्य पार्टीले पनि कारवाही गरेको भए राजनीति यति धेरै भ्रष्ट नहुने लामिछानेले बताए । लामिछानेले उपनिर्वाचन हुने तिन वटै क्षेत्रमा रास्वपाका उम्मेदबारहरु विजयी हुने दाबी गरे ।
सो कार्यक्रममा तनहुँ १ का उम्मेदबार स्वर्णिम वाग्लेले तनहँुँका जनताको समृद्धीको लागि आफुले काम गर्ने बताए । उनले तनहुँका जनताले गर्व गर्ने जनप्रतितिधि बन्ने दावी समेत गरे ।
रास्वपाले विहिबार तनहुँको बरादी, तुरतुरे बाइसजाँगर लगायतका क्षेत्रहरुमा कोणसभा र मतदाता भेटघाट कार्यक्रम आयोजना गरेको थियो ।
