अन्जान परियार, घिरिङ
बैशाख २
घिरिङ गाउँपालिका–२ भोरकोटका मृगौला पिडित लिल बहादुर राना र घिरिङ गाउँपालिका–२ महारकोटका क्यान्सर पिडित गोरी मायाँ थापालाई भिमाद नगरपालिका–६ शान्तिनगर घर भई हाल बिदेशा रहेका अर्पन सिर्जन घलेले आर्थिक सहयोग गरेका छन् ।
बिदेशमा रहेर पनि गम्भीर किसिमका बिरिमीहरुलाई सहयोग गर्दै आइरहेका समाजसेवी घलेले रोगसँग लडेर छट्पटाई रहेका घिरिङका ती दुई पीडितहरुको सामाजिक सन्जालमा सहयोग अपिल देखे पछि नयाँ बर्ष २०८० को अबसर पारेर सहयोग गरेको बताए ।
उनले दुबै जना पिडितलाई ५ हजार ५५ रुपैयाँको को दरले जम्मा १० हजार एक सय १० रुपैयाँ सहयोग गरेका हुन् । घिरिङ गाउँपालिकाका प्रेस सल्लाहकार अन्जान परियार मार्फत उक्त आर्थिक सहयोग गरेका हुन् । सामाजिक सन्जालबाट राजनीतिक, सामाजिक बिषयमा विश्लेषण गर्दै आएका घले दलित अभियान्ता समेत हुन् । घले बिभिन्न संघ संस्थामा आबद्ध समेत छन् ।
बिगत दुई महिना देखि मृगौलाको समस्याले ग्रसित राना हाल पोखराको आस्था क्लिनिकमा डाइलासिस गराईरहेको पारिवारिक स्रोतले बताएको छ । आर्थिक अभावको कारण उनको मृगौला प्रत्यारोपण गर्न नसकिएको परिवारका सदस्यले जनाएका छन् । यस्तै क्यान्सर पिडित गोरीमाया पनि भरतपुर क्यान्सर हस्पिटलमा उपचाररत छन् । उनिहरु दुबै जनालाई देश तथा बिदेश बाट सहयोग आइरहेको छ ।
