देवघाट अनलाइन
घिरिङ, बैशाख ३
करेन्ट लागेर घिरिङ गाउँपालिकामा २ जना गम्भिर घाईते भएका छन् । आईतबार दिउँसो घिरिङ गाउँपालिका–२ कोलडाडा स्थित भित्री सडक खण्डमा सवार ग १३ प ७०९ नम्बरको मोटरसाईकलले सडक छेउमा लत्रिएको थ्री फेसको लाईनको तारमा छुन गई करेन्ट लाग्दा मोटरसाइकल चालक लम्जुङ जिल्ला मध्यनेपाल नगरपालिका–७ कर्पुटारका ५० बर्षिय तिर्थ घिमिरे र पछाडी बस्ने बझाङ जिल्ला तल्लोकोट गाउँपालिका–२ का २७ बर्षिय जीबन रोकाया गम्भिर घाईते भएका छन् ।
घाईतेहरु सोही वडाको पार्वती आधारभुत बिद्यालयका शिक्षक रहेको र उनीहरु विद्यालय छुट्टि भएपनि आफ्नो डेरा तर्फ फर्कदै गरेका थिए । दुबै घाईतेहरुलाई उपचारको लागी तत्काल पोखरा तर्फ पठाईएको र उक्त घटना सम्बन्धमा थप अनुसन्धान भईरहेको जिल्ला प्रहरी कार्यालयले जनाएको छ ।
