काठमाडौं, जेठ २६
सरकारले ल्याएको बजेटप्रति सत्तापक्षकै सांसदहरुले विरोध गरेका छन् । शुक्रबारको संसद बैठकमा नेकपा एकीकृत समाजवादीका सांसद कृष्णकुमार श्रेष्ठ किसानले संसदको रोष्ट्रममै एक मिनेट मौन धारण गरेका छन् ।
प्रतिनिधि सभाको बैठकमा बजेटमाथि छलफलको क्रममा श्रेष्ठले बजेटमा मधेश, मधेशी र मधेशमा बसोवास गर्नेहरुमाथि गरेको अपमान र नागरिकताविहिन जनताहरुको लागि संसदको रोष्ट्रमबाटै मौन धारण गरेका हुन् ।
सांसद श्रेष्ठले बजेट भासन सुन्दा निकै आनन्द लागेको भन्दै बजेट नखाउँ भने दिनभरीको शिकार, खाउँ भने कान्छा बाउको अनुहार भने झैं भएको बताए । श्रेष्ठले प्रधानमन्त्री र मन्त्रीहरुलाई नाङ्गै नहिड्न चेतावनी दिए । आफ्नो क्षेत्र मात्रै छ भन्ने नसोच्न श्रेष्ठले प्रधानमन्त्री र मन्त्रीहरुलाई चेतावनी दिए ।
सरकारले ल्याएको बजेटमा मधेश र मधेसी जनतालाई हेला गरेको सांसद श्रेष्ठको भनाइ छ । सांसद श्रेष्ठले यो बजेट यथास्थितीमा हुवहु पास गर्न नसकिने चेतावनी समेत दिए ।
