दमौली, जेठ ३१
देवघाट गाउँपालिकाले सहकारी संस्थाहरुलाई विभिन्न शिर्षकमा अनुदान रकम दिएपनि ति सहकारी संस्थाहरुले भने गाउँपालिकामा नविकरण र राजश्व शुल्क भने बुझाएका छैनन् ।
देवघाट गाउँपालिकाले वडा नम्बर ५ को चक्रवर्ती सामाजिक उद्यमी महिला सहकारी संस्था र गोहीटार कृषि सहकारी संस्थालाई विभिन्न शिर्षकमा बार्षिक लाखौं रुपैयाँ अनुदान दिने गरेको छ । तर ति सहकारी संस्थाले भने गाउँपालिकामा राजश्व र नविकरण शुल्क भने बुझाएका छैनन् ।
महालेखा परिक्षककको कार्यालयको आर्थिक वर्ष ०७८÷०७९ को वार्षिक प्रतिबेदनमा सहकारी संस्थाहरुमा भएको खर्च शिर्षकमा गाउँपालिकाले चक्रवर्ती महिला सहकारीलाई २५ लाख ७२ हजार ५ सय र गोहीटार कृषि सहकारी संस्थालाई २७ लाख २ हजार २५० रुपैयाँ अनुदान दिएको देखिएको छ । गाउँपालिकाले सहकारी संस्थाको क्षमता अभिबृद्धि सामाग्री खरिद गर्न उक्त रकम लगानी गरेको हो ।
सहकारी संस्थामा ठुलो सरकारी रकम लगानी भएपनि ति सहकारी संस्थाले भने गाउँपालिकामा नविकरण लगायतका राजश्व रकम दाखिला नगरेको महालेखाको प्रतिबेदनमा उल्लेख छ ।
स्थानीय सरकार सन्चालन एने, २०७४ मा स्थानीय पािलकाले सहकारी संस्थाको दर्ता, खारेजी, नियमननीतिहरु बनाई लागु गर्न सक्ने उल्लेख छ । सोही अनुसार देवघाट गाउँपालिकाले वडा नम्बर ५ मा रहेको उक्त दुई सहकारी संस्थामा ठुलो रकम लगानी गरेको देखिन्छ ।
