दमौली, असार १८
पुननिर्माणको क्रममा रहेको व्यास नपा–१४ स्थित तनहुँको प्रसिद्ध धार्मिक स्थल छाब्दी बाराही मन्दिरमा गजुर प्रतिस्थापन गरिएको छ । सोमबार नित्य पुजा गरि गजुर प्रतिस्थापना गरिएको छाब्दी बाराही विकास कोषका अध्यक्ष थान बहादुर थापा (प्रेम) ले बताए ।
मत्स्य अवतार देवीको रुपमा पुजिने छाब्दी बाराही देवीको मन्दीरको पुननिर्माणकोलागि गन्डकी प्रदेश सरकारको सामाजिक विकास मन्त्रालयले पहिलो चरणमा १५ लाख रुपैयाँ विनियोजन गरेको छ । सामाजिक विकास कार्यालयको प्राविधिक सहयोगमा मन्दिर पुननिर्माणको काम भईरहेको अध्यक्ष थापाले बताए ।
अहिले मन्दिरको छानामा तामाले छाउने काम करिब ८० प्रतिशत काम सम्पन्न भएको अध्यक्ष थापाले बताए । मन्दिरको पुननिर्माण र सरचना निर्माणको काम साउन महिना भित्र सम्पन्न अध्यक्ष थान बहादुर थापा (प्रेम) बताए ।
छाब्दी बाराही विकास कोषले मन्दिरको कलात्मक शैलीमा पुननिर्माणकोलागि गुरुयोजना तयार गरेको छ । उक्त गुरुयोजना अनुसार मन्दिरको पुननिर्माणकोलागि करिब ८० लाखको बजेट इस्टमेट आएको छ ।
