आवुँखैरेनी, साउन २२
आँबुखैरेनी गाउँपालिकाले आँखा पाक्ने समस्या भएका विद्यार्थी तथा शिक्षकहरुको निशुल्क उपचार गर्ने भएको छ । आँखा पाक्ने समस्या भएका शिक्षक तथा विद्यार्थीहरुलाई लक्षित गरि भरतपुर आँखा अस्पतालको प्राविधिक सहयोग र आवुँखैरेनी गाउँपालिका कार्यालयको आयोजनामा तिन वटा विद्यालयमा निशुल्क आँखा परीक्षण शिविर हुने भएको छ ।
गाउँपालिका अनुसार आँबुखैरेनी–३ स्थित रामशाह माविमा साउन २३ गते, आँबु–१ को मित्रता माविमा साउन २४ गते र आँबु–४ को छिम्केश्वरी माविमा साउन २५ गते आँखा परिक्षण शिविर हुने भएको गाउँपालिकाका प्रमुख प्रशासकीय अधिकृत विष्णुप्रसाद शर्माले बताए । आँखा पाक्ने प्रकोपले भयवह स्थिति आउने देखिएपछि विद्यालयमै पुगेर उपचार गर्न लागेको शर्माले जानकारी दिए ।
आँखा रोग बिशेषज्ञ सहितको टोलीले आँखा पाक्ने समस्यामा परेका विद्यार्थीहरुको आँखा परीक्षण गर्ने व्यवस्था गरिएको उनले बताए । आँखा पाक्ने रोगको संङक्रमण बढ्दै जान थालेपछि उच्च सर्तकता अपनाइएको शर्माले बताए । अन्य टोल वा बस्तीमा प्रकोप बढेमा सोही अनुरुप व्यवस्था गरी आँखा परीक्षणको व्यवस्था गरिने प्रमुख प्रशासकीय अधिकृत शर्माले बताए ।
