दमौली, भदौ २४
आफु खुशी स्टिकर टाँसी बढी मुल्यमा सामान बिक्रि गर्ने एक व्यापारीलाई प्रहरीले पक्राउ गरेको छ ।
म्याग्दे गाउँपालिका–२ जामुने रिमाले स्थित पृथ्वी राजमार्ग सडक खण्डमा अर्जुनबहादुर रानाभाटले सन्चालन गर्दै आएको पोखरा हाईवे रेष्टुरेन्ट एण्ड खाजा घरमा कम्पनीको प्रिन्ट लेबल छोपेर सो माथि आफु खुशी बढी मुल्यको स्टिकर टाँसी सामानहरु बिक्रि गरेको आरोपमा रानाभाटलाई प्रहरीले पक्राउ गरेको हो ।
आफु खुशी बढी मुल्यको स्टिकर टाँसी सामानहरु बिक्रि गरेको भन्ने सुचनाको आधारमा गत भदौ २१ गते जिल्ला प्रशासन कार्यालय तनहुँ र जिल्ला प्रहरी कार्यालय तनहुँको संयुक्त अनुगमन टोलीले स्थानिय जनप्रतिनिधीको रोहबरमा उक्त खाजा घरमा चेकजाँच गर्दा दोहोरो लेबलिङ गरी राखेको बिभिन्न खाद्यपदार्थहरु भेटिएको थियो ।
सो क्रममा ति खाद्यपदार्थहरु बरामद गरी रानाभाटलाई कालो बजार तथा केही अन्य सामाजिक अपराध सम्बन्धि कसुरमा चार दिनको म्याद थप गरी थप अनुसन्धान भईरहेको जिल्ला प्रहरी कार्यालयले जनाएको छ ।
