तनहुँ, भदौ २९
तनहुँका अधिवक्ता यज्ञबहादुर राना उच्च अदालतको न्यायाधीशको लागि सिफारिस भएका छन् ।
शुक्रबार बसेको न्यायपरिषदको बैठकले २७ जनालाई विभिन्न उच्च अदालतमा न्यायाधीशको लागि सिफारिस गरेकोमा कानुन व्यवसायीको तर्फबाट राना पनि सिफारिसमा परेका हुन् ।
न्यायपरिषदको बैठकले जिल्ला न्यायाधीश तथा न्यायपरिषदका कर्मचारी २२ जना र ५ जना कानुन व्यवसायीलाई उच्च अदालतको न्यायाधीशमा सिफारिस गरेको हो ।
राना नेपाल बार एसोसिएसन तनहुँका पुर्व अध्यक्ष समेत हुन् । उनी २ दशकदेखी तनहुँमा कानुन व्यवसायमा संलग्न छन् ।
त्यसैगरि तनहुँ जिल्ला अदालतका न्यायाधीश हरिश्चन्द्र ढुंगाना पनि उच्च अदालतको न्यायाधीशमा सिफारिस भएका छन् । उनीहरूको संसदीय सुनुवाइ पछि न्यायाधीशमा नियुक्त हुनेछन् ।
