दमौली, असोज ५
दमौलीमा निर्माण गरिएको सभाहलको उदघाटनको लागि राष्ट्रपती रामचन्द्र पौडेल भोलि शनिबार दमौली आउने भएका छन् ।
राष्ट्रपति पौडेलले शनिबार दिउँसो आयोजना हुने विशेष कार्यक्रमका विच सभाहलको उदघाटन गर्ने छन् । यसअघि जिल्ला सभागृहको नाममा निर्माण गरिएको उक्त हललाई दमौली सभाहल नामाकरण गर्ने निर्णय भएको छ ।
राष्ट्रपतिमा निर्वाचित भएपछि पौडेलको पहिलो गृह जिल्ला आगमन हुने भएको हो ।
राष्ट्रपति पौडेल नेपाली सेनाको हेलिकप्टरबाट शनिबार मध्यान्ह भानु नपा-१३ मिर्लुङ स्थित भयरथान मन्दिरमा पुजा सकेपछि १२.३० बजे सभाहल उदघाटनको लागि दमौली आउने भएका हुन् ।
सभाहल उदघाटन अघि सभाहल परिसरका रहेको विपि कोईरालाको शालिकको राष्ट्रपतिले अनावरण गर्ने कार्यक्रम रहेको छ । सभाहल उद्घाटन कार्यक्रमलाई भव्य बनाईने र त्यसको सबै तयारी पूरा भईसकेको जिल्ला समन्वय समिति तनहुँका प्रमुख शान्तिरमण वाग्लेले बताए ।
