दमौली, पुस २०
तनहुँ उद्योग वाणिज्य संघ दमौली बजार इकाईको २८ औं बार्षिक साधारण सभा एवं १२ औं अधिवेशन भोली शनिबार दमौलीमा हुने भएको छ । तनहुँ उद्योग वाणिज्य संघका विभिन्न बजार इकाई मध्ये सबैभन्दा धेरै सदस्य रहेको र महत्वपुर्ण बजार इकाई रहेको हुँदा दमौली बजार इकाईको अधिवेशनलाई महत्वका साथ हेरिन्छ ।
तनहुँ उद्योग वाणिज्य संघको भावि नेतृत्वकोलागि पनि निर्णायक महत्व राख्ने दमौली बजार इकाईको नेतृत्व आफु अनुकुलको बनाउन व्यापारिक नेताहरु लागि परेका छन् ।
अधिवेशनले दमौली बजार इकाईको कार्य समिति र तनहुँ उद्योग वाणिज्य संघको लागि दमौली बजार इकाईबाट सदस्यहरु समेत निर्वाचित गर्नेछ ।
इकाईको आगामी नेतृत्वको लागि सभापतीमा हालसम्म शुकनारयण मल्लले उम्मेदबारी घोषणा गरेका छन् । विगतमा दमौली बजार इकाईको उपसभापती समेत रही सकेका मल्ललाई यसपटक इकाईको सभापतीमा सर्वसम्मत बनाउन अगुवा व्यवसायीहरु लागि परेका छन् । मल्लले पनि आफु सभापतीमा निर्वाचित भएमा व्यवसायीको हितमा काम गर्ने बताएका छन् ।
यसैगरि उपसभापतीमा शेषराज श्रेष्ठ र इन्द्रलाल श्रेष्ठ विकल्पले उम्मेदबारी घोषणा गरेका छन् भने महत्वपुर्ण मानिएको कोषाध्यक्षमा हर्षमान श्रेष्ठ (साईराम) र युवराज भण्डारीले उम्मेदबारी घोषणा गरेका छन् ।
संघको जिल्ला प्रतिनिधिमा युवा व्यवसायी मनोजकुमार सुवर्णकारले पनि उम्मेदबारी घोषणा गरेका छन् ।
