देवघाट, असार ३
नेकपा एमाले देवघाट गाउँ कमिटिको सचिवमा सान श्रेष्ठ निर्वाचित भएका छन् । सोमबार भएको निर्वाचनमा श्रेष्ठ अत्याधिक मत ल्याई सचिवमा निर्वाचित भएका हुन् ।
निर्वाचनमा जम्मा १९८ मत खसेकोमा श्रेष्ठले १५९ र अर्का उम्मेदबार विकास ढकालले ३४ मत पाएका थिए । गत जेठ २९ गते भएको गाउँ कमिटिको दोश्रो अधिवेशनबाट सचिव बाहेकका अन्य पदहरुमा सर्वसम्मती भएको थियो ।
गाउँ कमिटिको अध्यक्षमा भिम गुरुङ, उपाध्यक्षमा भोजराज नैनावस्ती, खुल्ला उपसचिवमा हर्कबहादुर थापा र महिला उपसचिवमा सावित्री न्यौपाने सर्वसम्मत चयन भएका थिए ।
निर्वाचित पदाधिकारीहरुलाई एमाले जिल्ला कमिटिका अध्यक्ष हरिराज कडेंल र सचिव प्रदिपराज अधिकारीले बधाई तथा शुभकामना व्यक्त गरेका थिए ।
