दमौली, साउन ३
तनहुँको भानु नगरपालिकाका करारका कर्मचारीको म्याद कानुनी आधारमा नथपिएको नगर प्रमुख त्रिपाठीले बताएका छन् । नगरपालिकाको १४ औं नगरसभा मार्फत ६ जना कर्मचारीहरूको करार अवधि नथप्ने निर्णय भएको हो ।
महालेखा परिक्षकको कार्यालयले कानुनविपरीत नगरपालिकाले करारमा कर्मचारी राखेको भनी पटक–पटक प्रतिवेदनमा उल्लेख गर्दै आएकोले ६ जना कर्मचारीहरुको करार अवधि नथप्ने निर्णय गरिएको नगर प्रमुख आनन्दराज त्रिपाठीले बताएका छन् ।
नगर प्रमुख त्रिपाठीले महालेखा परीक्षकको कार्यालयको बुँदा नम्बर २७ मा स्थानीय सरकार सन्चालन ऐन २९७४ को दफा ८३ मा स्थानीय तहले संगठन तथा ब्यवस्थापनका सर्भेक्षणको आधारमा स्थायी कर्मचारी तथा सेवा करारबाट लिईने कर्मचारीको दरबन्दी प्रस्ताव गर्नु पर्ने उल्लेख भएको र संघीय मामिला तथा सामान्य प्रशासन मन्त्रालयको मिति २०७४ चैत्र १४ मा जारी गरिएको स्थानीय तहमा करारमा जनशक्ति ब्यवस्थापन गर्ने कार्यविधि २०७४ मा स्वीकृत दरबन्दी भन्दा बाहिर अन्य रुपमा कर्मचारी राखी तलबभत्ता वा पारिश्रामिक भुक्तानी गर्न नमिल्ने र त्यस्तो कार्य प्रचलित कानुन विपरित हुने हुँदा भुक्तानी गर्ने पदाधिकारीबाट असुल उपर हुने ब्यहोरा पटक–पटक उल्लेख भएकाले पनि त्यस्ता कर्मचारीहरुको सेवा अवधि थप नगरिएको बताए ।
यस्तै अख्तियार दुरुपयोग अनुसन्धान आयोगले समेत कानुन विपरीत राखेका कर्मचारीहरूको सम्पूर्ण कागजात १५ दिनभित्र उपलब्ध गराउन आदेश दिएसँगै मलेपको प्रतिवेदनमा नाम नै तोकिएका छ जना कर्मचारीहरूको करार अवधि नथप्ने निर्णय गरेको नगरपालिकाले जनाएको छ ।
