दमौली, साउन १६
शुक्लागण्डकी नगरपालिका–२ गाछेपानीमा यही साउन २१ गते देखि शिव महिमा बोलबम धार्मिक महोत्सव हुने भएको छ । श्री शुक्लागण्डकी मुक्तिनाथ च्यवनधामको आयोजनामा साउन २१ देखि २८ गते सम्म धार्मिक महोत्सव गर्न लागिएको हो । महोत्सवको उद्घाटन स्वास्थ्य मन्त्री प्रदीप पौडेलले गर्नेछन् ।
च्यवनधाम र गौ संरक्षण केन्द्रको एकीकृत विकासका लागि शिव महिमा बोलबम धार्मिक महोत्सव आयोजना गरिएको अध्यक्ष अर्जुन लम्सालले जानकारी दिए । धार्मिक महोत्सवको प्रमुख कथा वाचकका रुपमा बालकृष्ण अर्याल रहेका छन्, उनले भने । महोत्सवको समयमा शिव महिमा श्रवण, महाआरती, धार्मिक गीति नाटक, भजन किर्तन लगायतका धार्मिक अनुष्ठान गरिनेछ ।
