दमौली, भदौ २९
ग्रीन हिमालय फार्मस्टे भानु नपा–९ चितीखोलाको आायोजनामा शनिबार ‘आधा सताव्दी’ पुस्तकको परिचर्चा तथा रचना वाचन कार्यक्रम सम्पन्न भएको छ ।
पर्यटनका लागि साहित्य नारा सहित चितीखोला साहित्य यात्रा–२०८१ अन्तर्गत सन्चालन भएको उक्त कार्यक्रममा देशका विभिन्न भागबाट आएका साहित्यकारहरुले उक्त पुस्तकको बारेमा चर्चा गर्दै रचना वाचन समेत गरेका थिए ।
भानु नपा–९ का वडा अध्यक्ष मिनबहादुर गुरुङको अध्यक्षतामा सन्चालित उक्त कार्यक्रमको प्रमुख अतिथी धादिङको सिद्धलेक गाउँपालिकाका अध्यक्ष परशुराम खतिवडा रहेका थिए । उक्त कार्यक्रममा साहित्कारहरु डा.रजनी ढकाल, डा.विन्दु शर्मा, प्रभा बराल, जयराम बिडारी, माधव घिमिरे, दिल पौड्याल, नविन पल्लभ, राजेन्द्रमान डंगोल, राजकुमार बानिया, रामप्रसाद सापकोटा, दिपक महत, रमेश धमला र राजेन्द्रप्रसाद सुवेदी लगायतले साहित्य रचना वाचन गरेका थिए ।
उक्त कार्यक्रममा फार्मस्टेका सन्चालक राजेन्द्रदेव पाण्डे र गिता अधिकारीले साहित्यकारहरुलाई स्वागत गर्दै फार्मस्टेको बारेमा जानकारी गराएका थिए ।
