दमौली, मंसिर २९
देवघाट गाउँपालिका–५को घिनटार–टाउनचोक–देवपुर सडकमा कालोपत्र सुरु भएको छ । निर्माण कम्पनीले शनिबार दिउँसोदेखी उक्त सडकमा कालोपत्र सुरु गरेको हो ।
निर्माण सम्पन्न गर्नु पर्ने अवधि सकिएको लामो समयपछि कालोपत्र सुरु गरिएको हो । सडक अलपत्र पारेर निर्माण व्यवसायी सम्पर्कमा नआएपछि देवघाट गाउँपालिकाले निर्माण व्यवसायीलाई पटक पटक पत्र पठाई समयमै काम सक्न ताकेता गरेको थियो ।
उक्त घिनाटार–टाउनचोक–देवपुर मार्ग स्तरोन्नती योजना अन्तर्गत जिएमआर कन्ट्रक्सन प्रा.लि माडी चितवनसँग सडक कालोपत्रे र पक्की नाला निर्माण कार्यका लागि २०७९ पुस १७ गते सम्झौता भएको थियो । प्रदेश सरकार र गाउँपालिकाको साझेदारीको उक्त योजनाकोलागि बजेट बिनियोजन भएको थियो ।
१५ सय मिटर लम्बाई र नाली सहित ११ मिटर चौडाईको उक्त सडक २०८० पुस २१ गतेसम्म नाली निर्माण र कालोपत्रे गर्ने गरि जिएमआर कन्ट्रक्स नेपाल प्रा.लिसँग सम्झौता भएको थियो । उक्त सडक कालोपत्रेको लागि भ्याट रकम सहित ३ करोड ७१ लाख ११ लाख २२५ रुपैयाँमा निर्माण कम्पनीमा सम्झौता भएको थियो ।
