दमौली, पुस १३
नेपाल पुस्तक तथा स्टेशनरी व्यवसायी महासंघ तनहुँ शाखा को १० औं वार्षिक साधारण सभा दमौलीमा सम्पन्न भएको छ ।
शाखाका अध्यक्ष रामचन्द्र सापकोटाको अध्यक्षतामा भएको उक्त कार्यक्रममा प्रमुख अतिथि महासंघका गण्डकी प्रदेश अध्यक्ष कृष्ण पोखरेलले व्यवसायी एकता र हितका लागी महासंघ का विविध अभियान बारे आफ्नो धारणा राखेका थिए ।
सो कार्यक्रममा महासंघका केन्द्रीय कोषाध्यक्ष ताराराम श्रेष्ठ, गण्डकी प्रदेशका पुर्व अध्यक्ष दुर्गा कुमार श्रेष्ठ, शाखाका पुर्व अध्यक्ष दामोदर मिश्र, शाखाकी सदस्य सावित्री रानाभाटले मन्तव्य राखेका थिए ।
शाखा सचिव कमल गैह्रेले सन्चालन गरेको सो कार्यक्रममा स्वागत मन्तव्य शाखाका उपाध्यक्ष रामकृष्ण न्यौपानेले र आर्थिक प्रतिवेदन कोषाध्यक्ष सुरज बुढाठोकीले प्रस्तुत गरेका थिए ।
