दमौली, पुस २४
तनहुँको बन्दिपुर गाउँपालिका वडा नम्बर २ को कुकुर्दीमा माघे सङक्रान्तीको अबसरमा गोरु जुधाई प्रतियोगिता हुने भएको छ । नारायण गोपाल युवा क्लबले विगतका वर्षहरुमा जस्तै ‘स्वास्थको लागि खेलकुद र युवाको लागि खेलकुद’ भन्ने मुल नाराको साथ गोरु जुधाई प्रतियोगिता र गाउँ स्तरिय पुरुष तथा महिला भलिबल प्रतियोगिताको आयोजना गरेको छ ।
गोरु जुधाई तर्फ प्रथम पुरस्कार नगद १५ हजार र दोस्रो पुरस्कार नगद रु. ७ हजार रहेको र दर्ता शुल्क ५ सय रहेको नारायण गोपाल युवा क्लबका अध्यक्ष उज्ज्वल गुरुङले जानकारी दिएका छन् । पुरुष तथा महिला भलिबल प्रतियोगिता यहि पौष २५ गते बाट सुरु हुनेछ । पुरुष भलिबल प्रतियोगिताको लागि टिम दर्ता शुल्क रु.४ चार हजार ५ सय र महिला भलिबल प्रतियोगिताको दर्ता शुल्क ५ सय रहेको छ ।
पुरुष भलिबल तर्फ प्रथम पुरस्कार नगत रु. ४० हजार मेडल र प्रमाण पत्र, दोस्रो पुरस्कार नगत रु २५ हजार मेडल र प्रमाण पत्र, तेस्रो पुरस्कार नगद रु. १५ हजार मेडल र प्रमाण पत्र र महिला भलिबल प्रतियोगिता तर्फ प्रथम पुरस्कार नगत रु. ७ हजार मेडल र प्रमाण पत्र रहेको आयोजकले जनाएको छ ।
बन्दिपुर भ्रमण बर्ष २०२५ को दोस्रो कार्यक्रम अन्तरगत घैटो फुटाइ प्रतियोगिता, स्थानिय सास्कृतिक कार्यक्रम, स्थानिय अर्गानिक खाना खाजाका स्टलहरु, स्थानिय उत्पादन खाद्यान्न मास, पिडालु, सिमल–तरुल, चामल, तरुल, भटमास, मस्याम, लोकल कुखुरा लगाएतको बिक्रि स्टलहरु रहने बताईएको छ ।
