तनहुँ । चैत ५
तनहुँको शुक्लागन्डकी नगरपालिकाको बेलचौतारा स्थित भानुभक्त क्याम्पसको स्ववियु निर्वाचनमा अनेरास्ववियुका मिनबहादुर थापा बिजयी भएका छन् । मंगलबार भएको निर्वाचनमा थापाले १२८ मत पाई बिजयी भएका छन् । थापा अनेरास्ववियु र अखिल क्रान्तिकारीको संयुक्त प्यानलका उम्मेदबार हुन् । नेविसंघका उम्मेदबार एजिना मतले १०५ मत पाइन् ।
सचिवमा अनेरास्ववियु क्रान्तिकारीकी विनिता भण्डारी ११६ मत पाइ बिजयी भइन् । सचिवमा नेविसंघका सुनिल लामिछाने १०९ मत पाएका थिए । त्यस्तै कोषाध्यक्षमा अनेरास्ववियुकी पुष्पा खड्का १४५ मत पाइ बिजयी भइन् । कोषाध्यक्षमा नेविसंघकी रस्मिता कार्कीले ८७ मत पाएकी थिइन् ।
सदस्यमा अनेरास्ववियुका अविजित लम्साल अञ्जली विक, अनेरास्ववीयु क्रान्तिकारीका निराज भण्डारी, नेविसंघकी प्रतीक्षा गिरी र स्वस्तिका सिग्देल बिजयी भए ।
