तनहुँ । चैत ७
माध्यमिक शिक्षा परिक्षा (एसइई) विहिबारबाट सुरु भएको छ । परिक्षा बिहान ८ बजेदेखी सन्चालन भएको हो । यस वर्ष एसइई परिक्षामा देशभर ५ लाख १४ हजार ७१ जना परिक्षार्थी सहभागी छन् ।
परिक्षा सन्चालनकोलागि देशभर २ हजार ८० परिक्षा केन्द्र तय गरिएको । परिक्षा सन्चालनकोलागि ७७ हजार ८ सय कर्मचारी परिचालन गरिएको छ । त्यसमध्ये ३० हजार सुरक्षाकर्मी छन् । सबैभन्दा धेरै परिक्षार्थी काठमाडौंमा ३९ हजार ६ सय र सबैभन्दा कम मनाङमा ४३ विद्यार्थी परिक्षामा सहभागी भएको परिक्षा नियन्त्रण कार्यालयले जनाएको छ ।
एसईई परिक्षाको लागि तनहुँबाट नियमित र ग्रेडबृद्धि गरि ६३०२ नाम परिक्षार्थी सहभागी छन् । तनहुँमा साधारण तर्फ ४ हजार ८४४, प्राविधिक धार तर्फ १३३ र ग्रेड बृद्धि तर्फ १ हजार ३२५ परिक्षार्थी सहभागी भएको जिल्ला शिक्षा विकास तथा समन्वय इकाई तनहुँले जनाएको छ । परिक्षा सन्चालनकोलागि तनहुँमा २६ परिक्षा केन्द्र तोकिएको छ । तनहुँमा देवघाटमा रहेका महेश संस्कृत गुरुकुल गुरुकुल, बेदबेदाङ्ग संस्कृत गुरुकुल, परमानन्द सस्कृत गुरुकुल, र माँ कल्याणी बैदिक कन्या गुरुकुलका परिक्षार्थी पनि सहभागी भएका छन् ।
