तनहुँ । चैत १७
गण्डकी प्रदेशको महत्वपूर्ण धार्मिक तथा पर्यटकीय स्थल छिम्केश्वरीमा बिशाल भागवत लगाइने भएको छ । आँबुखैरेनी गाउँपालिका–५, स्थित छिम्केश्वरी मन्दिरको धार्मिक एवं पर्यटकीय गन्तव्यको रूपमा विकासको लागि बिशाल श्रीमद् भागवत महायज्ञ लगाउने तयारी भएको गाउँपालिकाले जनाएको छ ।
महाभारत पर्वत श्रृङ्खलाको सबैभन्दा अग्लो चुचुरो छिम्केश्वरीमा २०८२ साल असोजमा भागवत लगाउन तयारी सुरु गरिसकेको र उक्त भागवतबाट १० करोड आर्थिक संकलन गर्ने लक्ष्य राखिएको गाउँपालिका अध्यक्ष शुक्र चुमानले जानकारी दिए ।
छिम्केश्वरीमा बिशाल भागवत लगाउने बिषयमा गुरु दिनबन्धु पोख्रेल र आँबुखरेनी गाउँपालिकाका अध्यक्ष शुक्र चुमान बीच शुक्रवार प्रारम्भिक छलफल भएको छ ।
