तनहुँ । चैत २०
आबुँखैरेनी गाउँपालिकाले कक्षा कक्षा ८ (आधारभुत तह) को परिक्षाफल प्रकाशन गरेको छ । आधारभुत तह परिक्षा समितिको चैत २० को निर्णय अनुसार गाउँपालिकाका सामुदायिक तथा संस्थागत विद्यालयको आधारभुत तहको परिक्षाफल प्रकाशन गरिएको गाउँपालिकाले जनाएको छ । उक्त परिक्षा गत चैत ८ गतेदेखी १५ गतेसम्म सन्चालन भएको थियो ।
आबुँखैरेनी गाउँपालिकामा रहेका १६ वटा सामुदायिक तथा संस्थागत विद्यालयका ५०८ जना विद्यार्थी आधारभुत तह (कक्षा ८) को परिक्षामा सहभागी भएका थिए । ति मध्ये ७६ प्रतिशत अर्थात ३९१ जना उत्तिर्ण भएको गाउँपालिकाले जनाएको छ ।
परिक्षाफल अनुसार सबै भन्दा राम्रो नतिजा चण्डीदेवी आधारभुत विद्यालयको आएको छ । उक्त विद्यालयको सतप्रतिशत नतिजा आएको गाउँपालिकाले जनाएको छ भने सबैभन्दा कम उत्तिर्ण बाल शिक्षा सदन अग्रेजी बोर्डिङ स्कुलको आएको छ । उक्त विद्यालयका ३६.८४ प्रतिशत विद्यार्थी मात्र उत्तिर्ण भएका छन् । सबैभन्दा धेरै परिक्षार्थी रामशाह माविबाट १३७ जना सहभागी भएकोमा ११३ जना उत्तिर्ण भएका छन् ।
गाउँपालिकाले सबै परिक्षार्थीको ग्रेड लेजरको प्रमाणित प्रतिलिपि सम्बन्धित विद्यालयमा पठाई सकिएको जनाएको छ ।
