चितवन, चैत ३०
भरतपुर मनपा–७ स्थित सिर्जना चोक भेट्रान्स क्लवको आयोजनामा नयाँ वर्ष २०८२ को शुभकामना आदान प्रदान तथा क्यालेन्डर विमोचन कार्यक्रम शुक्रबार सम्पन्न भएको छ ।
क्लवका अध्यक्ष रुपकराज अधिकारीको अध्यक्षतामा सम्पन्न सो कार्यक्रमको भरतपुर महानगरपालिका वडा नम्बर ७ का वडा अध्यक्ष राजेन्द्रमणी काफ्लेले उद्घाटन गरे ।
उक्त कार्यक्रममा वडा नम्बर ७ का वडा सदस्य अमृता गौतम, सिर्जना टोल विकास संस्थाका कार्यवहाक अध्यक्ष इन्दिरा अर्याल, हाटबजार व्यवस्थापन समितिका अध्यक्ष लालबहादुर राय, वडा नम्बर ७ का वडा सचिव प्रकाश रेग्मी, बुद्धचोक टोल विकास संस्थाका अध्यक्ष कुस्माखर अधिकारी लगायतले शुभकामना मन्तव्य राखेका थिए ।
सो कार्यक्रममा क्लवका संरक्षक दिवस तिवारीले क्लवको बारेमा जानकारी गराएका थिए भने कार्यक्रमको सन्चालन क्लवका सचिव पद्मराज सिलवालले र स्वागत मन्तव्य सदस्य हरि भुषालले गरेका थिए ।
