विवेक श्रेष्ठ । ऋषिङ, जेठ २०
ऋषिङ गाउँपालिका–८ स्थित ऋषिङ रानीपोखरी स्वास्थ्य चौकीमा छातीरोग सम्बन्धी एक दिने निःशुल्क एक्सरे शिविर सञ्चालन हुने भएको छ ।
ऋषिङ गाउँपालिकाको सहयोग तथा युएनडिपि (जापान नेपाल स्वास्थ्य तथा क्षयरोग अनुसन्धान संस्था जान्त्रा) को संयुक्त आयोजनामा मंगलबार जेठ २१ गते उक्त शिविर सञ्चालन हुने भएको हो ।
उक्त शिविरमा आधुनिक प्रविधियुक्त एआई जडित डिजिटल एक्सरे मेशिनको प्रयोग गरी छातीरोग परीक्षण गरिने छ । साथै, रक्तचाप (प्रेसर) र रगतमा ग्लुकोजको मात्रा (सुगर) समेत परीक्षण गरिने गाउँपालिकाको स्वास्थ्य शाखाले जनाएको छ ।
सो शिविरमा वडा नम्बर ८ तथा छिमेकी वडाका सबै स्थानीयहरुलाई समयमै उपस्थित भई स्वास्थ्य परीक्षण गराउन गाउँपालिकाले सूचना जारी गरी गरेको छ ।
