तनहुँ । असार १५
एसइई परिक्षामा म्याग्दे गाउँपालिकाको सामुदायिक र संस्थागत विद्यालय तर्फ समग्रमा ५३ दशमलव ४५ प्रतिशत विद्यार्थी उत्तिर्ण भएका छन् । गाउँपालिकाका अनुसार सामुदायिक विद्यालयका ५० प्रतिशत र संस्थागत विद्यालयका ७७.१४ प्रतिशत विद्यार्थी उत्तिर्ण भएका छन् ।
म्याग्देका सामुदायिक विद्यालय मध्ये सबैभन्दा बढि वडा नम्बर १ को महेन्द्र माविको नतिजा रहेको छ । महेन्द्र माविका ८३.३ प्रतिशत विद्यार्थी उत्तिर्ण भएका छन् ।
त्यसैगरि क्रमशः वडा नम्बर ६ को रत्न माविको ७० प्रतिशत, वडा नम्बर ४ को गणेश माविको ५० प्रतिशत, वडा नम्बर २ को राधा माविको ४५.३ प्रतिशत, वडा नम्बर ३ को जनगणपति माविको ४४.४ र वडा नम्बर ४ कै मिन माविको ४१.९ प्रतिशत नतिजा आएको छ ।
संस्थागत विद्यालय तर्फ मेघदह अंग्रेजी स्कुलको ८३.३३ र आदर्श अंग्रेजी स्कुलको ७३.९१ प्रतिशत विद्यार्थी उत्तिर्ण भएको म्याग्दे गाउँपालिकाका शिक्षा शाखाका प्रमुख विष्णु खत्रीले जानकारी दिए ।
