तनहुँ । असार २९
प्रतिबन्धित लागु औषध डाइजेपाम सहित तनहुँमा २ जना महिला पक्राउ परेका छन् । पक्राउ पर्नेमा रुपन्देही ओमसतिया गापा वडा नम्बर ५ बस्ने वर्ष ३५ की मालती लोध र सोही ठाउँकी बर्ष ५० की शिला हरिजन रहेका छन् ।
शनिबार बिहान ७ः३० बजेको समयमा आँबुखैरेनी गाउँपालिका–४ बेनिटार स्थित पृथ्वी राजमार्ग सडक–खण्डमा सवारी साधन तथा शंकास्पद मानिसहरुलाई चेकजाँच गर्ने क्रममा मुग्लिङबाट आँबुखैरेनी तर्फ आउदै गरेको बाग्मती प्रदेश ०१–००६ ख ७२८३ नम्बरको यात्रुबाहक माइक्रो बसमा सवार उनीहरुले कालो रंगको पछाडी भिर्ने झोला भित्र लुकाई छिपाई ल्याएको अवस्थामा डाइजेपान ८६६ एम्पुल, फेनेग्रान ८६६ एम्पुल र बुप्रेनोर्फिन ८६६ एम्पुल गरि गरी जम्मा २ हजार ५९८ एम्पुल नियन्त्रित लागु औषध फेला परेकोले उनीहरुलाई नियन्त्रणमा लिई इप्रका आबुँखैरेनीमा ल्याई थप अनुसन्धान भईरहेको प्रहरीले जनाएको छ ।
