तनहुँ । साउन १२
तनहुँमा गत आर्थिक वर्षमा १७ हजार ९ सय ७ जनाले नागरिकता सम्बन्धी सेवा लिएका छन् । जिल्ला प्रशासन कार्यालय तनहुँका अनुसार वंशजको आधारमा ८६७६ जनाले नागरिकता लिएका छन् । जसमा महिलाको संख्या ४४४२ र पुरुषको संख्या ४२३४ रहेको छ ।
यसैगरि आमाको नाममा २ महिला र १ पुरुष गरि ३ जना, गैरआवासिय ५ महिला र २४ पुरुष गरि २९ जना तथा बैबाहिक अंगिकृत नागरिकता १० जनाले लिएका छन् । यसैगरि यस अवधिमा ९१४१ जनाले वंसजको आधारमा नागरिकताको प्रतिलिपि लिएका छन् । जसमा ४४७७ महिला र ४६६४ पुरुष रहेका छन् ।
त्यस्तै ८ जना महिलाले बैबाहिक अंगिकृत नागरिकताको प्रतिलिपि लिएका छन् । ७ महिला र २८ पुरुष गरि ३५ जनाले नागकिरता त्याग गरेका छन् भने ३ जना महिलाको नागरिकता रद्ध गरिएको छ ।
सोमबार जिल्ला प्रशासन कार्यालयमा आयोजित पत्रकारसँगको अन्तरक्रिया कार्यक्रममा बोल्दै प्रमुख जिल्ला अधिकारी रामकृष्ण अधिकारीले तनहुँमा एक वर्षको अवधिमा १ लाख भन्दा बढि नागरिकले सेवा लिने गरेको बताए । विभिन्न माध्यमबाट सेवाग्राहीको गुनासो संकलन गरिने भन्दै प्रजिअ अधिकारीले सेवाग्राहीको गुनासो जतिसक्दो चाँडो सम्बोधन गरिने बताए ।
