तनहुँ । मंसिर ८
तनहुँ जिल्लाको सर्वाधिक विद्यार्थी अध्ययन गर्ने दमौलीको एकमात्र सामुदायिक क्याम्पस आदिकवी भानुभक्त क्याम्पस संचालक समितिको उपाध्यक्षमा श्रीराम कार्की चयन भएका छन् । क्याम्पस सन्चालक समितिको सोमबार बसेको बैठकले कार्कीलाई उपाध्यक्षमा मनोनित गर्ने निर्णय गरेको हो ।
कार्की केही महिना अघि भएको सन्चालक समितिको निर्वाचनमा सदस्य पदमा निर्वाचित भएका थिए । सोही निर्वाचित सन्चालक समिति सदस्यहरु मध्धेबाट कार्कीलाई उपाध्यक्षमा मनोनयन गरिएका हो । नेकपा एमालेका नेता रहेका कार्की यसअघि पनि विगतमा एक कार्यकाल सदस्य र एक कार्यकाल उपाध्यक्ष रही सकेका थिए ।
आफुलाई क्याम्पस सन्चालक समितिको उपाध्यक्षमा मनोनित गरेपछि कार्कीले सन्चालक समितिलाई धन्यवाद दिँदै क्याम्पसको शैक्षिक, भौतिक र प्राज्ञिक उन्न्वयनको क्षेत्रमा विगतको भन्दा अझ बढि योगदान दिने बताए । सबैको बिश्वास लिएर क्याम्पसको बृहत्तर हितको लागि, गरिव निमुखा दलित, आदिवासी जनजाति सहित बिकट क्षेत्रका जनताको छोराछोरीको उज्ज्वल भविस्यको लागि बैज्ञानिक शिक्षालाई उन्नत बनाउनेतर्फ आफ्नो क्षमताले भ्याएसम्म आफ्नो जिम्मेवारी निर्वाह गर्ने कार्कीले प्रतिबद्धता जनाएका छन् ।
