तनहुँ । पुस १९
तनहुँको बन्दीपुर गाउँपालिकाको १८ औं गाउँसभा शुक्रबार सम्पन्न भएको छ । गाउँपालिका अध्यक्ष सुरेन्द्र बहादुर थापाको अध्यक्षतामा सो गाउँसभा सम्पन्न भएको हो ।
गाउँपालिका सञ्चालनका लागि केहि नीति, ऐन, कानून तथा कार्यविधि समेत पारित गर्नुपर्ने भएकोले आवश्यक पर्ने नीति, ऐन, कानून र कार्यविधि समेत पारित गरिएको र अब तत्काल कार्यान्वयन समेत हुने गाउँपालिका प्रमुख प्रशासकिय अधिकृत कमलबहादुर केसीले जानकारी दिए ।
गाउँसभालाई सम्बोधन गर्दै अध्यक्ष थापाले कर्मचारी र जनप्रतिनिधिले नै जनतालाई दिने सेवा प्रभावकारी बनाउने र विकास हुने भएकाले दुबै पक्ष सकारात्मक रुपमा लाग्नपर्ने र जनताले पाउने सेवा तथा विकासको कामको लागि कर्मचारीहरुलाई जनप्रतिनिधिले सहयोग गर्नेमा कुनै सकोच नराखी सहयोग गर्नुपर्ने बताए ।
गाउँपालिका उपाध्यक्ष पञ्चमायाँ गुरुङले प्रस्तुत गरेको प्रतिबेदन र बिधायन समितिका संयोजक बलबहादुर गुरुङले पेश गरेको बिधेयक र ऐन पारित भएको गाउँपालिका प्रवक्ता शिवकुमार श्रेष्ठले बताए ।
