तनहुँ । फागुन १०
तनहुँ क्षेत्र नम्बर १ का नेपाली काँग्रेस र राष्ट्रिय प्रजातन्त्र पार्टीका उम्मेदवारहरु विच भेट भएको छ । चुनाव प्रचारको क्रममा आइतबार आबुँखैरेनीमा नेपाली काँग्रेसका उम्मेदवार गोविन्द भट्टराई र राप्रपाका उम्मेदवार अभिषेक जोशी विच भेट भएको हो ।
भेटमा उनीहरुले आत्मियता साटासाट गर्दै एक आपसमा शुभकामना आदान प्रदान गरेका थिए । साथै उनीहरुले एक अर्काको चुनावी घोषणापत्र पनि सो अवसरमा साटासाट गरेका थिए । उक्त क्रममा राप्रपाका जोशीले भट्टराईलाई हिन्दुहरुको पवित्र ग्रन्थ श्रीमद्भागवत गीता हस्तान्तरण गरेका थिए ।
जोशी श्रीभद्भागगत गीताको वितरणको अभियन्ता समेत हुन् । उनले एक लाख हिन्दुहरुको घरमा उक्त पुस्तक निशुल्क वितरण गर्ने लक्ष्य राखेका छन् । जोशीले चुनाव प्रचारसँगै श्रीमद्भागवत गीता पनि वितरण गरिरहेका छन् । जोशीको उक्त कार्यलाई हिन्दु धर्मावलम्बीले मन पराएका छन् ।
