विष्णु मगर । देवघाट, फागुन १३
देवघाट गाउँपालिका–५ स्थित साँढेबगर सामुदायिक वन उपभोक्ता समुहको २४ औं वार्षिक साधारणसभा बुधबार सम्पन्न भएको छ । उक्त साधारणसभाको देवघाट गाउँपालिकाका उपाध्यक्ष भुवन सिंह गुरुङले उद्घाटन गरे ।
सो अवसरमा बोल्दै उपाध्यक्ष गुरुङले साढेबगर सामुदायिक वनका अध्यक्ष एउटा महिला भएर पनि सामुदायिक वन चलाउन सक्नु ठुलो कुरा रहेकोे बताए । उनले सामुदायिक वन समुहको आम्दानी समुहका सदस्यहरुको आय आर्जनमा खर्चनुपर्ने बताए ।
सो कार्यक्रममा वन डिभिजन कार्यालय तनहुँका अधिकृत नविन विकले सामुदायिक वन समुहको नियम कानुनहरु हरेक उपभोक्ता समितिले जान्नु पर्ने र नियम कानुन अनुसार काम गर्न पर्ने बताए ।
साढेवगर सामुदायिक वन समुहका अध्यक्ष टिकिसरा गुरुङले आफुले महिला भएर पनि सामुदायिक वन समुहको नेतृत्व गर्दा र आफ्नो पारिवारलाई भन्दा बढी समय दिई सामुदायिक वनलाई केही गरौ भन्दा पनि कतिपय व्यक्तिहरुबाट पुर्वाग्रह लिएर आलोचना मात्र हुने गरेको बताइन् ।
धेरै चुनौती सहेर आफुले काम गरेको भन्दै अध्यक्ष गुरुङले कुनै पनि सस्थामा सबैको साथ र सहयोग पाउन सकेमात्र सस्थालाई अगाडि बढाउन सकिने बताइन् । व्यक्तिगत स्वार्थ भन्दा माथी उठेर सामुहिक हितको लागि उपभोक्ताले साथ सहयोग दिन पर्ने उनको भनाई थियो ।
