तनहुँ । असार १८
जिल्ला ट्राफिक प्रहरी कार्यालय तनहुँ तथा मातहतका अस्थायी ट्राफिक प्रहरी पोस्टहरूले नियमित ट्राफिक जाँचका क्रममा १७ वटा सवारी साधनमा नियमविपरीत जडान गरिएका कालो स्टिकर हटाएका छन् ।
ट्राफिक प्रहरीले बुधबार सञ्चालन गरेको नियमित चेकिङ अभियानमा चालक तथा सवारीधनीलाई प्रचलित ट्राफिक नियमको पालना गर्न आग्रह गर्दै नियमविपरीत प्रयोग गरिएका कालो स्टिकर हटाएको जनाएको छ । प्रहरीले सवारी साधनमा कानुनविपरीत कालो स्टिकर प्रयोग नगर्न तथा ट्राफिक नियमको पूर्ण पालना गर्न सबैमा अनुरोध गरेको छ ।
यसैगरि विहिबार तनहुँ जिल्ला प्रवेश गरेका १३२ वटा भारतीय सवारी साधनका चालकहरुलाई सडकको अवस्था, गति नियन्त्रण, मौसमको अवस्था लगायतका बिषयमा स–चेतना मुलक कार्यक्रम संचालन गरिएको तनहुँ प्रहरीले जनाएको छ । जस अनुसार इप्रका आबुँखैरेनी अन्तर्गत ६३ वटा र इप्रका बेलचौतारा अन्तर्गत ६९ वटा भारतीय सवारी साधनका चालकलाई सचेत गराईएको थियो ।
