५ साउन, दमौली
नेपाल कम्युनिष्ट पार्टीका संस्थापक महासचिव पुष्पलाल श्रेष्ठको स्मृतिमा नेकपा व्यास नगर कमिटिले बृक्षारोपण गर्ने भएको छ । श्रेष्ठको स्मृति दिवस साउन ७ गते नेकपा व्यास नगर कमिटिले व्यास नपा ११ कोलढुङ्गा स्थित क्रिकेट मैदानको वरपर बृक्षारोपण गरिने नेकपा व्यास नगर कमिटिका अध्यक्ष श्रीराम कार्कीले बताए ।
सो कार्यक्रममा नेकपाका केन्द्रीय सदस्यहरु, प्रदेश कमिटिका सदस्यहरु, संघीय तथा प्रदेशसभाका सांसदहरु एवं नेकपाका जिल्ला स्तरीय र नगर स्तरीय कार्यकर्ताहरुको सहभागिता रहने अध्यक्ष कार्कीले बताए । अध्यक्ष कार्कीले सो कार्यक्रममा सहभागी हुन नेकपाका नेता तथा कार्यकर्ताहरुलाई अनुरोध गरेका छन् ।
