३२ साउन, दमौली
प्रतिनिधि सभाका सांसद कृष्णकुमार श्रेष्ठ किसानले शुक्लागन्डकी नपाको बेलचौतारमा रहेको जिपि कोईराला राष्ट्रिय श्वास प्रश्वास उपचार केन्द्रमा स्वास्थ्य सामाग्री उपलब्ध गराएका छन् । सांसद श्रेष्ठको तर्फबाट स्वकीय सचिवालयका सदस्य अनिल पाण्डेले ति सामाग्रीहरु आईतबार अस्पतालका निमित्त कार्यकारी निर्देशक डा. रामकुमार श्रेष्ठलाई हस्तान्तरण गरेका थिए ।
सांसद श्रेष्ठले उपलब्ध गराएको सामाग्रीहरुमा २५ केजी स्याउ, २० कार्टुन पानी, ५ लिटर सेनीटाईजर, २ सय ५० पिस मास्क, र ३ वटा बाल्टिनहरु रहेका छन् । पछिल्लो समय तनहँु क्षेत्र नम्बर १ का भानु, व्यास र बन्दिपुरका नागरिकमा कोरोना भाइरसको संक्रमण देखिएपछि संक्रमितहरुलाई जिपि कोईराला अस्पतालको आईशोलेसनमा राखिएको छ ।
स्वास्थ्य सामाग्री ग्रहण गर्दै अस्पतालका कार्यकारी निर्देशक श्रेष्ठले ति सामाग्रीहरुले संक्रमितहरुको व्यवस्थापनमा ठुलो सहयोग हुने बताए ।
