मंसिर २१, देवघाट
देवघाट गाउँपालिकाले वडा स्तरबाट योजनाहरुको सम्झौता सुरु गरेको छ । चालु आर्थिक वर्षमा गाउँपालिकाबाट सञ्चालन हुने योजना तथा कार्यक्रमहरुको बारेमा वडा स्तरमा गई उपभोक्ता समितिलाई अभिमुखीकरण सहित सम्झौता सुरु गरिएको गाउँपालिकाका प्रमुख प्राशसकीय अधिकृत नरहरी सापकोटाले बताए ।

सबैभनदा पहिला वडा नम्बर १ मा सन्चालन हुने योजना तथा कार्यक्रमका उपभोक्ता समितिसँग सम्झौता गरिएको छ । सो अवसरमा उपभोक्ता समितिका पदाधिकारीलाई योजनाको बारेमा जानकारी दिने तथा उनीहरुको सुझाव समेत संकलन गरिएको थियो ।

देवघाट वडा नम्बर १ मा चालु आर्थिक वर्ष ०७७÷०७८ मा १२ वटा बिकास योजनाहरु छनौट गरिएको छ । ति सबै योजनाको सम्झौता गरिएको गाउँपालिकाका इन्जिनियर तिर्थराज ढुंगानाले जानकारी गराए । अन्य वडाहरुमा पनि क्रमशः अभिमुखीकरण र सम्झौता गरिने इन्जिनियर ढुंगानाले बताए ।