१२ फागुन देवघाट
देवघाट क्षेत्र विकास समितिका नवनियुक्त अध्यक्ष बद्रि प्रसाद अधिकारीलाई बुधबार समितिको कार्यालयमा स्वागत गरिएको छ । अधिकारीलाई समितिका कार्यकारी निर्देशक धिरणबाबु घिमिरे र समितिका कर्मचारीहरुले स्वागत गरेका थिए ।
सो अवसरमा गाउँपालिकाका अध्यक्ष दुर्गबहादुर थापा, समितिका निवर्तमान अध्यक्ष शिवराज पौडेल, समितिका कार्यकारी निर्देशक घिमिरे लगायतले कार्यकालको सफताको शुभकामना व्यक्त गरेका थिए । अध्यक्ष अधिकारीले बुधबार नै पद ग्रहण गरेका छन् ।
सो अवसरमा बोल्दै अध्यक्ष अधिकारीले सबैको सहयोगमा देवघाटलाई विश्वका हिन्दुहरुको धार्मिक तिर्थस्थलको रुपमा विकास गर्न आफुले काम गर्ने बताए ।
