चितवन, विद्यार्थीसँग जुम बैठक चलिरहँदा पदीय मर्यादा विपरित महिला कर्मचारीसँग अमर्यादित हर्कत कृषि तथा वन विज्ञान विश्वविद्यालयका कृषि संकाय डीन प्रा। जयप्रकाश दत्तले राजीनामा दिएका छन् ।
उनले उपकुलपति प्रा.डा. पुण्यप्रसाद रेग्मीलाई राजीनामा पत्र बुझाएका हुन् । उपकुलपति प्रा डा रेग्मीलाई इमेल मार्फत सोमबार डीन पदबाट राजीनामा बुझाएका हुन् । उपकुलपति रेग्मीले डीन दत्तले राजीनामा दिएको पुष्टि गरे । उनले राजीनामा स्वीकृतिको लागि कुलपतिलाई पठाएको बताए ।
राजीनामामा आफू निलम्बित भइसक्दा पनि सामाजिक सञ्जालमार्फत विरोध आइरहेकोले राजीनामा दिएको उल्लेख गरेको बताउँदै उपकुलपति प्रा।डा। रेग्मीले भने, ‘उहाँले सामाजिक सञ्जालमा विरोध आइरहेकोले राजीनामा दिएको लेख्नुभएको छ ।’
उनले विश्वविद्यालयले छानबिन प्रकृया पनि सँगै अघि बढाउने गरी कार्यकारी परिषद्मा छलफल गरिरहेको बताए । छानबिनका लागि गठित समितिमा बस्न असहमति जनाउँदै दुई सदस्यले हिजो उपकुलपति रेग्मीलाई पत्र दिएका थिए ।
