देवघाट अनलाइन
दमौली, बैशाख ८
तनहुँ क्षेत्र नम्बर १ का राष्ट्रिय स्वतन्त्र पार्टीका उम्मेदबार डा.स्वर्णिम वाग्लेका वुवा जिवन वाग्लेले चढ्ने गाडी तोडफोड भएको छ ।
व्यास नगरपालिका–३ मालपोतलाईन स्थित सन्तोष होटल अगाडि पार्किङमा राखेको बा. ११ च ४२५० नम्बरको कार विहिबार अज्ञात समुहले तोडफोड गरेको उम्मेदबार वाग्लेका वुवा जिवनले बताउनु भयो ।
इँटाले हानेर कारको बायाँ भागको सिसा फुटाइएको छ । दिनभर प्रचार अभियानमा गएर आएर वाग्ले राती उक्त होटलमा बास बसेका थिए । बिहान उठेर हेर्दा गाडीको सिसा फुटाएको अवस्थामा भेटिएको वाग्लेले बताए ।
जिल्ला प्रहरी कार्यालय तनहुँका एसपी अवदेश विष्टले उक्त गाडीको सिसा कसले र किन फुटाएको भन्ने बारेमा अनुसन्धान सुरु गरिएको बताए । उनले घटनास्थल वरपरका पोलहरुमा राखिएको सिसि क्यामेराको फुटेज अध्ययन गरेपनि केही खुल्ने बताए ।
