देवघाट, जेठ ३२
देवघाट गाउँपालिकाको वडा नम्बर १ र ३ मा पर्ने घन्टाचुली क्षेत्रमा पर्यटकीय क्षेत्र निर्माणकोलागि निर्माण व्यववसायीसँग भएको सम्झौता अनुसार गाउँपालिकाले निर्माण कम्पनीलाई पेश्की रकम दिएपनि निर्माण कम्पनीले कुनै काम गरेको छैन ।
देवघाट गाउँपालिकाले घन्टाचली पर्यटकीय क्षेत्र विकास परियोजनामा मुल्य अभिवृद्धि कर सहित २ करोड ९४ लाख २३ हजार ८९६ रकममा मृत संजिवनी शिवशक्ति इको जेभीसँग सम्झौता गरेको थियो । उक्त सम्झौत अनुसार २०७८ असार २९ गतेदेखी काम सुरु भई २०८० असार २९ सम्म सम्पन्न गरिसक्नु पर्ने थियो । सो कम्पनीलाई २०७८ असोज १४ गते २६ लाख र माघ २६ गते २४ लाख गरि ५० लाख रुपैयाँ गाउँपालिकाले पेश्की दिएको थियो ।
तर निर्माण कम्पनीले हालसम्म कुनै पनि काम गरेको छैन । महालेखा परिक्षकको कार्यालयको आर्थिक वर्ष ०७८÷०७९ को वार्षिक प्रतिबेदनमा उक्त कम्पनीले कार्यतालिका अनुसार कुनै पनि काम नगरेको उल्लेख गरिएको छ । अनुगमनमा उक्त कम्पनीले कुनै भौतिक तथा वित्तिय प्रगति नगरेको हुँदा सो कम्पनीलाई बुझाएको पेश्की रकम फिर्ता लिन महालेखा परिक्षकको कार्यालयले देवघाट गाउँपालिकालाई निर्देशन दिएको छ ।
सार्वजानिक खरिद ऐन, २०६३ मा सार्वजानिक निकायले खरिद सम्झौता पश्चात निर्माण व्यवसायीबाट अग्रिम बैंक जमानत लिई खरिद सम्झौता रकमको २० प्रतिशतमा नबढ्ने गरि पेश्की भुक्तानी तथा फस्र्याैटको व्यवस्था गरेको छ । तर गाउँपालिकाले ऐन विपरित पेश्की दिएको हुँदा सो पेश्की असुल गर्नु पर्ने महालेखाको प्रतिबेदनमा उल्लेख छ ।
