दमौली, असार १८
नेपाल पत्रकार महासंघ तनहुँद्वारा सन्चालित टिकानीधि ढुङ्गाना व्यास परासर पत्रकारिता पुरस्कार पत्रकार मदन वाग्लेलाई प्रदान गरिने भएको छ । व्यास नपा ४ निवासी भाग्यशाली ढुङ्गानाले स्थापना गर्नु भएको सो पुरस्कार मंगलबार व्यास जयन्तीको अवसरमा सार्वजानिक गरिएको हो । गत असार १५ गते बसेको नेपाल पत्रकार महासंघ तनहुँको बैठकले उक्त पुरस्कार वाग्लेलाई दिने निर्णय गरेको थियो ।
पुरस्कारको राशी नगद १० हजार रुपैयाँ रहेको छ । उक्त पुरस्कार नेपाल पत्रकार महासंघले विशेष कार्यक्रमको अवसरमा प्रदान गर्ने पत्रकार महासंघ तनहुँका सचिव प्रताप रानाले बताए ।
पुरस्कृत व्यक्तित्व वाग्ले दमौलीबाट प्रकाशित हुने प्रादेशिक खबर दैनिकका प्रधान सम्पादक हुन् । उनी तिन दशक देखी पत्रकारितामा सक्रिय छन् ।
